كترت الطلة

 

كترت الطلة بتمسخ خلق الله. هم قالو كدة.

لكني بقول : كترت طلتك بيزيدني يقين إنو الكامن جواي بيزيد . 

لانو الجواي كل ما أشوفك بيكبر اكتر وبتمني لقاك 

وأتمني اللحظة تقيف في ثبات تخلي عيوني المشتاقة لشوفتك تواصل شوقها في رؤياك.

كترت طلتك بتزيدني يقين

 إنك للجمال عنوان وانو عيونك بتلهب الجواي. 

والبسمة السمحة المرسومة في خد الفراشة الطالقة سهامها في جواي.

 اخاف اللحظة تمشي معاك وارجع تاني افتش للكشحت كل المركن في قلبي 

 وسدت كل المداخل بيها. 

وبي لطف المشاعر النابعة من احساسها الجرف احساسي وعشش جوة في جواي.

 ويرجع تاني فكري البيفكر ديمة في لحظة فراقك البيقلب لحظة العشم لخراب.. 

سامحيني لو كان في الخيال فكرت انساك يا ملاك. 

غصبا علي انا ما بمل من طلتك ولا  بسيبك حتي لو كان دة المحال. 

رب العباد سطر قدر انك ملاك قلبي العشق ويلاتك من طول انتظار. 

وسانتظر لحظة فراق. 

يرجعني لي سيل العذاب. 

وسانتظر لحظة لقاء يملاني بالشوق والحنين.

 كتر علي من طلتك خليني مجنون بي بسمتك. 

21.01.2025